Де Зерби аввал ўзини "Манчестер Юнайтед"га таклиф қилган, рад жавобидан сўнг "Тоттенхэм"ни танлаган

"Тоттенxэм"нинг янги бош мураббийи Роберто де Зерби аввал бошқа жамоани бошқаришга ҳам тайёр бўлгани маълум бўлди.

Хабарларга кўра, италиялик мутахассис “шпорлар” билан келишувга эришишдан олдин “қизил иблислар”га мурожаат қилиб, мавсум якунида Майкл Кэррик ўрнини эгаллашга тайёрлигини билдирган. Бироқ манкунианликлар бу вариантга қизиқиш билдирмаган ва унинг номзоди кўриб чиқилмаслиги маълум қилинган.

Шундан сўнг де Зерби "Тоттенхэм" вариантига розилик берди. Лондон клуби унинг тайинланганини 31 март куни расман эълон қилди.

46 ёшли мутахассис бунга қадар Франциянинг “Марсель” клубида ишлаган ва февраль ойида жамоани тарк этган. “Тоттенчэм” эса Премьер-лига жадвалида 31 турдан сўнг 17-ўринда бормоқда ва тушиб кетиш ҳудудидаги "Вест Xэм"дан атиги бир очко олдинда.