Де Зерби: "Тоттенхэм"да тушиб кетиш хавфи бор, лекин битта ғалаба ҳамма нарсани ўзгартиради"

Лондоннинг "Тоттенхэм" клуби бош мураббийи Роберто Де Зерби жамоанинг Премьер-лигадан тушиб кетиш хавфи ҳақида фикр билдирди.

"Тушиб кетиш қўрқуви? Ҳа, бу муаммо. Ҳозирги мақсадимиз — битта ўйинда ғалаба қозониш. Шундан кейин вазият ўзгаради", — деди мураббий Фабрицио Романо келтирган маълумотга кўра.

Эслатиб ўтамиз, Де Зерби март ойи охирида "Тоттенхэм" бош мураббийи этиб тайинланган ва клуб билан узоқ муддатли шартнома имзолаган.

Англия чемпионатининг 32-турида "шпорлар" "Сандерленд"га 0:1 ҳисобида мағлуб бўлиб, тушиб кетиш зонасида қолиб кетди. Жамоа ҳисобида 30 очко мавжуд, 17-ўриндаги хавфсиз зонадан фарқ эса 2 очкога тенг.