Дебютантга мундиалдан ўйнаган футболчи келади

Англия Премьер-лигасига чиққан “Халл Сити” таркибини кучайтириш мақсадида АҚШнинг МЛС чемпионатида иштирок этувчи “Колорадо Рэпидс” марказий ҳимоячиси Лукас Ҳеррингтонни сотиб олиш бўйича асосий келишувга эришди.

Журналист Бен Жейкобс маълумотига кўра, трансфер қиймати бонуслар билан бирга 23 миллион долларни (17 миллион фунт) ташкил этади.

Шунингдек, “Колорадо Рэпидс” футболчининг кейинги трансферидан 15 фоиз улуш олиш ҳуқуқини сақлаб қолади.

18 ёшли Ҳеррингтон бу ёзда Австралия терма жамоаси сафида жаҳон чемпионатида муваффақиятли ўйинлари билан эътиборни тортди. Унга Италиянинг бир қатор клублари ҳам қизиқиш билдирган, аммо “Халл Сити” тезроқ ҳаракат қилди.