Деку: "Ямал "Олтин тўп"ни қўлга киритиши мумкин"

"Барселона" спорт директори Деку 17 ёшли вингер Ламин Ямалнинг келажаги ва "Олтин тўп"ни қўлга киритиши ҳақида фикр билдирди.

"Мен Ямал "Олтин тўп"ни ютиб олишини жуда ҳам истардим. Жамоамизда бу мукофотга лойиқ бир неча футболчи бор. Ламин ҳам улар қаторида. Рафинья ҳам бу мавсумда ажойиб ўйнади. Шунинг учун, кутамиз, қандай бўлар экан" – деди Деку "Mundo Deportivo" нашрига.

Жорий мавсумда Ямал "Барселона" сафида Ла Лиганинг 34 ўйинида иштирок этиб, 9 та гол ва 13 та ассист қайд этди. Унинг трансфер нархи 180 миллион еврога баҳоланмоқда.

Эслатиб ўтамиз, йилнинг энг яхши футболчисига бериладиган "Олтин тўп" маросими жорий йилнинг 22 сентябрь куни бўлиб ўтиши режалаштирилган.