Дембеле: Бир кун келиб албатта Месси билан бирга ўйнашимни билардим

Ўтган ёз Дортмунднинг “Боруссия” клубидан “Барселона”га кўчиб ўтган ҳужумчи Усмон Дембеле майдонда қизғончиқ эмаслиги ва Месси билан бир жамоада ўйнашини аввалдан билгани ҳақида айтиб ўтди.

“Мен бундай жамоада ўйнаш учун жуда кўп меҳнат қилдим. Бир кун келиб Мессидек футболчи билан бирга ўйнашимни билардим.

Мен майдонда қизғончиқ эмасман. Агарда шундай бўлганида ўтган мавсум 21та голга ассистентлик қилмаган бўлардим”, - дейди франциялик футболчи.

Маълумот учун, Дембеле жорий мавсум жароҳати сабаб кўплаб учрашувларни ўтказиб юборишга мажбур бўлди. У ҳозирча Ла Лигада 7та баҳсда иштирок этган ҳолос.