Дембеле мағлуб бўлган Мессини “юпатиб қўйди”

Клублар ўртасидаги жаҳон чемпионатининг плей-офф босқичида “Пари Сен-Жермен” Лионель Месси бошчилигидаги “Интер Майами” дарвозасига тўртта гол уриб, АҚШ жамоасини мусобақадан чиқариб юборди.

Парижликлар етакчиси Усмон Дембеле учрашувдан кейин рақиб юлдузи Месси билан тушган суратини ижтимоий тармоқдаги саҳифасига жойлаб, аргентиналик юлдузга мурожаат йўллади.

 - Барча замонларнинг энг зўр ўйинчиси Лео Месси, сения на кўрганимдан хурсандман. Клублар ўртасидаги жаҳон чемпионатида бўлгани каби кейинчалик ҳам “Интер Майами” билан тарих яратишда давом этасан, деган умиддаман, - деб ёзди Усмон Дембеле.

Таъкидлаш жоизки, Усмон Дембеле 2017-2021 йиллар давомида Испаниянинг “Барселона” клубида Лионель Месси билан бирга тўп тепган.