Dembele Mbappedan himoyada ko‘proq ishlashni so‘radi

PSJ hujumchisi Usmon Dembele Jahon chempionati oldidan Frantsiya terma jamoasidagi sherigi Kilian Mbappe bilan muhim suhbat o‘tkazdi.

"L’Equipe" nashrining xabar berishicha, Dembele "Real" forvardiga terma jamoa o‘yinlarida himoyaviy harakatlarda ham faolroq ishtirok etishi kerakligini aytgan.

Manbaga ko‘ra, parijliklar yulduzi Mbappega ochiqchasiga murojaat qilib, undan "Real"da ko‘rsatayotganidan ko‘ra, ko‘proq himoyada mehnat qilishini so‘ragan.

Qayd etilishicha, ikki futbolchi uzoq yillardan buyon yaqin do‘st hisoblanadi. Shu sababli Dembelening tanqidi Mbappe tomonidan xotirjam qabul qilingan.

Eslatib o‘tamiz, Frantsiya terma jamoasi Jahon chempionati guruh bosqichida Senegal, Iroq va Norvegiya terma jamoalariga qarshi bahs olib boradi.