Дембеле учун АПЛнинг икки клуби курашмоқда

Франциянинг "Лион" клуби форварди Мусса Дембеле фаолиятини АПЛда давом эттириши мумкин.

Football Insider нашрининг хабар беришича 23 ёшли франциялик футболчига "Эвертон" клубидан жиддий қизиқишлар пайдо бўла бошлаган. “Ирисчилар” уни яқинлашиб келаётган қишки трансферлар чоғидаёқ сотиб олишни режалаштиришмоқда.

Эслатиб ўтамиз, бундан аввалроқ Дембелега "Манчестер Юнайтед" ҳам қизиқаётгани ҳақида хабарлар тарқалган эди. “Қизил иблислар” унинг трансфери учун “Лион”га 50 млн евро тўлашга тайёр.

Маълумот учун, Дембеле жорий мавсум “Лион” сафида жами 10та ўйинда майдонга тушди ва рақиблари дарвозасига 6 та гол уришга эришди.