Denisovning sobiq jamoadoshi APL tarixiga kirdi

Angliyaning “Everton” klubi hujumchisi Baye Umar Nyasse simulyatsiya uchun diskvalifikatsiyaga uchradi.

Angliya Premer-Ligasi 12-turida “Kristal Pelas”ga qarshi bahsda jarima maydoni ichida simulyatsiya ishlatgan edi. Uchrashuv bosh hakami esa uning “san’at”ini ko‘rmay qoldi  va londonliklar darvozasi tomon penalti belgiladi.

APL tarib-intizom qo‘mitasi esa uni ikki o‘yinga chetlatdi. Qayd etish joiz, bu APL tarixidagi simulyatsiya uchun qo‘llangan ilk jazo bo‘ldi.

Eslatib o‘tamiz, Nyasse hamyurtimiz Vitaliy Denisov bilan “Lokomotiv” safida to‘p surgan.