Depay uchun mavsum muddatidan avval yakunlanishi mumkin

"Lion" klubi hujumchisi  Memfis Depay mavsumning qolgan qismini o‘tkazib yuborishi mumkin. Bu haqda L'Équipe nashri xabar bermoqda.

Yuqoridagi manbaaga ko‘ra 25 yoshli gollandiyalik futbolchi kecha bo‘lib o‘tgan “Renn”ga (0:1) qarshi o‘yinda tizzasidan jiddiy jarohat olgan bo‘lishi mumkin. U tez orada tibbiy ko‘rikdan o‘tkaziladi, agar dastlabki tashxis to‘g‘ri chiqsa u kamida 6-7 oy davolanishiga to‘g‘ri keladi.

Ma’lumot uchun, Depay joriy mavsum “Lion” safida 18 ta o‘yinda maydonga tushdi va 14 ta gol hamda 2 ta golli uzatma yozdirib qo‘yishga erishdi. Uning klub bilan amaldagi shartnomasi 2021 yilga qadar imzolangan.f