Депай учун мавсум муддатидан аввал якунланиши мумкин

"Лион" клуби ҳужумчиси  Мемфис Депай мавсумнинг қолган қисмини ўтказиб юбориши мумкин. Бу ҳақда L'Équipe нашри хабар бермоқда.

Юқоридаги манбаага кўра 25 ёшли голландиялик футболчи кеча бўлиб ўтган “Ренн”га (0:1) қарши ўйинда тиззасидан жиддий жароҳат олган бўлиши мумкин. У тез орада тиббий кўрикдан ўтказилади, агар дастлабки ташхис тўғри чиқса у камида 6-7 ой даволанишига тўғри келади.

Маълумот учун, Депай жорий мавсум “Лион” сафида 18 та ўйинда майдонга тушди ва 14 та гол ҳамда 2 та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.ф