Ди Мария собиқ жамоасига қайтиши кутилмоқда

Аргентина терма жамоаси ва ПСЖ клуби ҳужумкор ярим ҳимоячиси Анхель Ди Мария ёзда жамоасини ўзгартиради.

Эслатиб ўтамиз, унинг парижликлар билан шартномаси мавсум охирида тугайди ва томонлар ушбу шартномани узайтириши кутилмаяпти.

Журналист Педро Алмейданинг хабар беришича, 34 ёшли аргентиналик футболчини “Бенфика” ўз сафига чорламоқда. Қайд этилишича, Анхелнинг трансферига А Серия грандларидан ҳам қизиқишлар бор.

Эслатиб ўтамиз, Ди Мария 2007-2010 йилларда айнан “Бенфика” сафида ўйнаган ва шундан сўнг "Реал"га кўчиб ўтган.