Дибала кўндиришга кеч қолдим!

“Мачнестер Юнайтед”даги фаолиятини якунлаб, яна “Ювентус”га қайтган Поль Погба ёзда “Рома” сафига қўшилган Пауло Дибалани Турин клубида олиб қолишга ҳаракат қилганини гапирди.

- Мен Пауло билан кўп гаплашдим. Мен ундан нега “Ювентус”да қолиб, яна бирга ўйнашимиз мумкин эмаслигини сўрадим.

Дибала мен уни кўндириш учун кеч қолганимни, сал олдинроқ қўнғироқ қилиб, “Ювентус”га ўтишимни айтишим кераклигини таъкидлади.

Биз жуда яхши чиқишамиз. Умид қиламанки, Пауло “Рома”да ўзини бахтиёр ҳис қилади ва охир-оқибат унинг танлови тўғри бўлиб чиқади, - деди Поль Погба.