Дибала "Тоттенхэм"га қарши ўйинни ўтказиб юборади

Туриннинг “Ювентус” клуби ҳужумчиси Пауло Дибала “Тоттенхэм”га қарши ЕЧЛ 1/8 финал илк учрашувида жамоасига ёрдам бера олмайди. Аргентиналик футболчи яқиндагина белидан олган жароҳатидан фориғ бўлиб, умумий машғулотларга қўшилган эди.

Турин клуби бош мураббийи Массимилиано Аллегри бу футболчини 13 феврал куни Италдияда инглиз жамоаси билан бўладиган ўйин қайдномасига киритмаган.

Football Italia нашри тарқатган хабарга кўра, Аллегри аргентиналик футболчининг жароҳати такрорланишини истамаётир. Шунингдек, “Ювентус” сафида Андреа Барцальи, Хуан Куадрадо ва Блез Матюиди ҳам қайдномадан ўрин олмаган.