Диего Марадона юраксиз дафн этилган

Шифокор ва журналист Нельсон Кастронинг айтишича, афсонавий аргентиналик футболчи Диего Марадона юраксиз ҳолатда дафн этилган. 

Маълум бўлишича, дафн маросимидан бироз олдин унинг юраги танасидан олиб ташланган. Бунга сабаб уни ўрганиш зарурати бўлган. Ўлим сабабини аниқлашда юрак жуда муҳим аҳамиятга эга ҳисобланади. 

Эслатиб ўтамиз, Диего 2020 йилнинг 25 ноябрь куни 60 ёшида вафот этганди. У 1986 йилда Аргентина терма жамоаси билан жаҳон чемпиони бўлган.