"Динамо" - "Пахтакор": Узоқ йиллик рақибларнинг 51-учрашуви

Ўзбекистон чемпионати тарихида “Динамо” ва “Пахтакор” жамоалари ўзаро 50 марта учрашган. Баҳсларнинг 39тасида “Пахтакор”, 6тасида эса “Динамо” ғалаба қозонган, 5та ўйин дуранг билан якунланган.

“Динамо” ва “Пахтакор” ўртасидаги сўнгги ўйин бу сафарги баҳсдан роппа-роса 1 йил аввал – 2022 йилнинг 1 август куни ўтказилиб, Тошкентдаги ўйинда мезбонлар 3:2 ҳисобида устун келганди.

Самарқанд ва Тошкент клублари бу сафар Ўзбекистон кубоги 1/8 финали доирасида кўҳна шаҳарда рўбарў келишади. Ғолиб жамоа чоракфиналга йўлланма олади. 1 август, сешанба куни соат 20:00да бошланадиган баҳсга чипталар сотуви бошланган. Вадим Абрамов бошқарувида 2-давра олдидан таркиби кучайтирилган “динамочилар”ни стадионда қўллаб-қувватлаган!