"Динамо" ўртоқлик учрашувида "Қизилқум"дан устун келди

Янги мавсумга тайёргарлик кўраётган "Қизилқум" ўртоқлик ўйинида майдонга тушди. Унда навоийликларга "Динамо" жамоаси рақиблик қилди. 

Мазкур беллашувда "арслонлар" 3:2 ҳисобида зафар қучди. Навоий клубида голларга Жасур Холтўраев ва Салоҳиддин Турсунов муаллифлик қилди. Самарқандликларнинг уч голини Францис Нарх (дубль) ҳамда Хуршид Убайдуллаев киритди. 

Маълумот ўрнида, Тошкент йиғини давомида "Қизилқум" бундан олдин "Сурхон"ни 3:1 ҳисобида мағлуб этганди. "Динамо" эса "Металлург" билан дуранг ўйнаганди - 1:1.