"Dinamo" Pro-ligaga tushib ketish arafasida, ko‘rsatkichlar achinarli holatda

Superliga 19-tur doirasida "Dinamo" jamoasi "Neftchi" klubi bilan kuch sinashdi. Unda farg‘onaliklar yirik 4:1 hisobida g‘alabani tantana qildi. 

Bu mag‘lubiyat tufayli samarqandliklarning 13 o‘yinlik g‘alabasiz seriyasiga nuqta qo‘yilmadi. "Dinamo" bu mavsum yomon natijalari bilan ko‘proq yodda qolmoqda. Klub eng ko‘p gol o‘tkazib yuborgan va eng ko‘p mag‘lub bo‘lgan jamoa bo‘lib turibdi.

Abramov jamoasi o‘z darvozasidan 37 ta to‘p olib chiqqan. Shuningdek, ular 13 bahsda raqiblariga imkoniyatni boy bergan.

Oxirgi marotaba klub 5-turda "Lokomotiv"ni taslim etgandi. Ushbu g‘alaba hozircha yagonaligicha qolmoqda.