"Динамо"нинг янги мавсумга тайёргарлик режалари маълум

"Мавсум-2024"ни 8-поғонада якунлаган Самарқанднинг "Динамо" жамоаси қишки тайёргарлик режаларини маълум қилди.

Унга кўра, Вадим Абрамов жамоаси 3 январдан бошлаб Тошкентда 2025 йилги чемпионат учун тайёргарликка киришади. 

Йиғин мобайнида "Динамо" клуби назорат ўйинларини ҳам ўтказади. Жумладан, 8 январь куни "Хоразм", 13 январда эса "Бунёдкор"га қарши майдонга тушади.

Шунингдек, январь ойининг иккинчи ярмида самарқандликлар БААга йўл олиши ва тайёргарликнинг навбатдаги босқичини ўша ерда олиб бориши кутилмоқда.