Диоманде "Реал"га ўтиши олдидан жароҳат олмаслик учун "Лейпциг" билан машғулот ўтказмаяпти

«Лейпциг» ҳужумчи Ян Диомандени Мадриднинг «Реал» клубига сотиш бўйича келишувни шошилмай олиб бормоқда, аммо трансфер барибир амалга ошиши кутилмоқда. Ҳозирча вингер жамоадан алоҳида тартибда машғулот ўтказаётгани, бу орқали трансфер арафасида жароҳат олиш хавфини минималлаштириш кўзлангани ҳақида AS нашри хабар берди.

Манба маълумотига кўра, Диоманде шуни умид қилмоқдаки, у шу дам олиш кунларида (1–2 август) старт оладиган Австриядаги мавсумолди йиғинга «Лейпциг» билан бирга бормайди. Футболчи имкони борича тезроқ Мадридга йўл олишни истамоқда.

Аввалроқ оммавий ахборот воситалари ёзганидек, «буқалар» Диоманде трансфери учун камида 120 миллион евро миқдорида кафолатланган тўлов талаб қилмоқда. Турли бонуслар қўшилганда, умумий сумма 135 миллион еврогача етиши мумкин.

Кот-д’Ивуар терма жамоаси аъзоси бўлган Диоманде 2025 йил ёзидан бери «Лейпциг» шарафини ҳимоя қилиб келмоқда. Шу вақт ичида у барча мусобақалар доирасида 36 та ўйинда майдонга тушиб, 13 та гол урди ва 10 та голли узатма амалга оширди.