Диёр Туропов: "Ваъда беришга шошилмайлик"

Яқиндагина “Нефтчи” билан шартнома муддатини узайтирган Диёр Туропов клуб матбуот хизмати учун кичик интервью берди.

- Ўтган мавсум ҳақида нима дея оласиз?

- Қизиқарли мавсум бўлди. Фарғона аҳли "Нефтчи"нинг шонли ўйинларидан олган завқ-қувончни ўтган мавсумдаги "Нефтчи" беллашувларидан бир лаҳза бўлса ҳам ўша онларни мухлислар ёдига солди, деб ўйлайман.

- Жамоамиз билан келаси мавсумда ҳам биргасиз?  Жамоада қолишингиз учун энг асосий учта сабабни айтиб берсангиз?

1- Мухлислар

2- Коллектив

3- Совринли ўринлар учун яна бир бор уриниб кўриш.

- Мухлисларга кейинги мавсум олдидан Туропов нима ваъда бера олади?

- Ваъда беришга шошилмайлик. Биз айтганларимиз бўлиб қолганда унда ҳаммаси бошқача бўлар эди. Аллоҳнинг айтгани бўлади, биздан эса яхши ният ва ҳаракат.

- Ўтган мавсумда жамоамизга медаллар учун курашда нима етишмади деб ўйлайсиз?

- Фикримча, барқарорлик ва охирги нуқтани қўйиш етишмади. Янги мавсумда ўйлайманки, мураббийлар режаси асосида мақсад сари интиламиз, мухлислар эса олдингидей  бизни охиригача қўллаб-қувватлашини хоҳлардим. Биз ҳар қандай рақибга бош оғриғи бўла оламиз ва уларнинг уйқусиз тунларида бизнинг ҳам ҳиссамиз бўлади, деган умиддаман.