Джамал Хилл: "Магомед Анкалаев титуль жангига лойиқ эмас!"

Ярим оғир вазнда UFC чемпиони америкалик Джамал Хилл (12-1, 1NC) собиқ чемпион чехиялик Иржи Прохазка (29-3-1) билан тўқнаш келиши кутилмоқда. Аммо, чех самурайининг елка жароҳатидан тикланишга кўпроқ вақт талаб қилинаётгани сабабли, Хилл бошқа жангчилар ҳақида ҳам тўхталиб ўтди:
"Ҳозирча, Анкалаев мен билан жангга лойиқ эмас дея ҳисоблайман. Худди шундай ҳолат Блахович билан ҳам бор. Ўтган жангдаги дуранг уларнинг яна бир бора ғалаба қозонишлари учун мажбурлайди. Кўпчилик, ўша жангда Магомед ғалаба қозонган деса ҳам, бу унинг натижасини ўзгартириб қўймайди. У бирибир яна битта жангда ғалаба қозониши керак.
Албатта, йилнинг охиригача аниқ жанг ўтказаман. Ҳозирданоқ тайёрман ва UFC‘га йил охиригача жангимни ташкиллаштиришлари учун шарт қўйдим.
Рақибим Иржи бўлишини ва у соппа-соғ бўлиб туришини истайман. Шунингдек мен ҳар қандай чақирувга, жангга ва овга тайёрман. Кўпчилик, олдинлари чемпион бўлсанг сенга ҳужумга ўтишади ва ҳамма сен билан жанг қилишни хоҳлашади деб айтишган. Лекин, мен чемпион бўлдим ҳамки, ҳеч қандай босим сезмадим. Келинглар, барча жангчилар, ким аслида ҳақиқий қирол эканини исботлашим учун менга қарши жангга чиқинг!"