Dmitriy Guberniev: Tokioda hech qanday Olimpiada bo‘lmaydi

Rossiyalik mashhur sport sharhlovchisi Dmitriy Guberniev “Tokio-2020” yozgi Olimpiya va Paralimpiya o‘yinlari bo‘lib o‘tishiga ishonmayapti.

“Do‘stlarim, dam olinglar...2020 yilda Tokioda hech qanday olimpiada bo‘lmaydi", - deb yozadi Guberniev o‘zining telegram sahifasida.

Eslatib o‘tamiz, dunyoda koronavirus pandemiyasining keng tarqalishi tufayli “Evro-2020” va yana bir qator yirik turnirlar qoldirildi. Biroq, Xalqaro olimpiya qo‘mitasi hozircha "Tokio-2020"ni rasman qoldirilgani haqida e’lon qilgani yo‘q.