Доннарумма 10 млн евро маош олишни хоҳлаяпти,

“Милан” клуби раҳбарияти ҳали ҳам дарвозабон Жанлуижи Доннарумма билан амалдаги шартномани узайтиргани йўқ.

“Россонерилар” футболчининг агенти Мино Райола билан 3 томонлама музокара ўтказмоқда. Corriere della Sera нашрининг маълум қилишича, Доннарумма йилига 10 млн евро маош олмоқчи, “Милан” 7 млн евро ва яна қўшимча бонуслар таклиф қилмоқда.

Бундан ташқари, томонлар 21 ёшли посбоннинг товон пули борасида ҳам келиша олмаяпти. Клуб 40 миллион евро хоҳламоқда, агент эса 30 миллион. Қолаверса, “Милан” Доннарумма билан 4 йиллик шартнома имзоламоқчи, Жанлуижи нисбатан камроқ муддатди битим сўраяпти.

Доннарумма жорий мавсум Италия А Сериясида 19 та ўйинда майдонга тушди ва ўз дарвозасидан 20 та гол ўтказиб юборди. Унинг клуб билан амалдаги шартнмоаси ёзда ўз ниҳоясига етади.

Матнда хатолик топсангиз, ўша хатони белгилаб, бизга жўнатинг (Ctrl + Enter)