Доннарумма Европанинг икки гранд клубидан супер таклиф олди

“Милан” дарвозабони Жанлуижи Доннарумма фаолиятини давом эттириш учун бир нечта вариантга эга.

SportMediaset нашрининг ёзишича, 21 ёшли италиялик посбонга Европанинг икки гранд клуби – “Челси” ва ПСЖдан супер таклифлар бўлмоқда. Ушбу жамоалар ёзда эркин агентга айланадиган дарвозабон учун йилига 12-14 млн евро маош таклиф қилмоқда. Таққослаш учун, Доннарумма айни дамда “Милан”да йилига 6 млн евро маош олади.

Жанлуижи Доннарумма жорий мавсум Италия А Сериясининг 14 та баҳсида майдонга тушди ва ўз дарвозасидан 13 та гол ўтказиб юборди.