Доннарумма пенальтилар сериясида рақиб дарвозабонининг ёзувини четга улоқтириб юборди

Италия терма жамоаси дарвозабони Жанлуижи Доннарумма ЖЧ–2026 саралаши плей-офф финалида Босния ва Герцеговина посбони Никола Васильга пенальтилар серияси вақтида халақит бергани билан эътибор марказига тушди.

Италия ушбу баҳсда 1:1 ҳисобидан кейин пенальтиларда 1:4 ҳисобида мағлуб бўлиб, кетма-кет учинчи бор жаҳон чемпионатига чиқа олмади.

Пенальтилар сериясида боснияликлар биринчи бўлиб зарба беришди ва Беньямин Тахирович аниқ ҳаракат қилди. Шундан сўнг "Интер" ҳужумчиси Франческо Эспозито ўз уринишидан фойдалана олмаган вазиятда трансляция кадрларида Доннарумманинг Василь қўлидаги пенальти бўйича ёзув қоғозини олиб, дарвоза орқасига ўтиб майдон ичига узоқроқ улоқтириб юборгани акс этди.

"Санкт-Паули" дарвозабони Никола Василь бу ҳаракатни пайқаб, Доннарумма билан тортишувга киришди ва вазият ҳақида бош ҳакам Клеман Тюрпенга шикоят қилди.

"SportSport.ba" маълумотига кўра, Доннарумма ҳатто Васильнинг ёзув қоғозини йиртишга ҳам уринган ва уни сезиларли даражада шикастлаган.