Доннарумма рози бўлди!

"Милан" клуби ва Италия терма жамоаси дарвозабони Жанлуижи Доннарумма ёзги трансферлар даврида "Ювентус"га ўтади.

Calciomercato нашрининг маълум қилишича, 22 ёшли посбон туринликлар билан шахсий келишувга эришган. Унга кўра, Доннарумма “Юве”дан йилига 9,5 миллион евро маош олади.

Жанлуижи “россонерилар” билан амалдаги шартномаси якунланаётгани сабаб “кекса синьора” сафига эркин агент сифатида текинга кўчиб ўтади. Аммо футболчининг агенти Мино Райола “Ювентус”дан 20 миллион евро хизмат ҳақи олади.

Доннарумма "Милан" тарбияланувчиси ҳисобланади. У жорий мавсум 41 та ўйинда майдонга тушди ва ўз дарвозасидан 49 та гол ўтказиб юборди. У 2016 йилдан буён Италия терма жамоаси аъзоси ҳисобланади.