Достон Ҳамдамов: Карантиндан кейин аввалги ҳолатга қайта олдикми ёки йўқми, бир нима дейиш қийин

"Пахтакор" ярим ҳимоячиси Достон Ҳамдамов "Қизилқум"га қарши ўйинда ҳисобни очиб, "шерлар"нинг ғалабасига ўз ҳиссасини қўшди. Беллашувдан сўнг  у клуб матбуот хизматига ўз фикрларларини билдирди.

- Ўйин қийин кечишини билардик, чунки ҳозир ҳар бир жамоа бизга қарши ҳимояга чуқур ўтган ҳолда ўйнамоқда. Шунга қарамай, мураббийимиз томонидан берилган кўрсатмаларни бажариб, муҳим уч очкони қўлга киритдик. Гол уришимда жамоадошларим меҳнати катта бўлди. Футбол жамоавий ўйин, унда ғалабалар ҳам, мағлубиятлар ҳам жамоа билан бирга бўлади.

Карантиндан кейин аввалги ҳолатга қайта олдикми ёки йўқми, бир нима дейишим қийин. Ўйлашимча, аста-секинлик билан яхши ҳолатга кириб боряпмиз.

Матнда хатолик топсангиз, ўша хатони белгилаб, бизга жўнатинг (Ctrl + Enter)