Dostonbek Hamdamovning "Al Nassr"dagi debyuti Aziz G‘aniev jamoasiga qarshi o‘yinga to‘g‘ri keldi. Derbida mezbonlar uston

BAA Pro-Ligasining 13-turida «Shabab Al-Ahli» va «Al-Nassr» jamoalari o‘zaro to‘qnash keldi. 

Bir necha kun avval, "Al-Nassr" tarkibiga borib qo‘shilgan Dostonbek Hamdamov debyutidayoq hamyurti Aziz G‘anievga qarshi maydonga tushdi.

Dubay derbisida «Shabab Al-Ahli» zafar quchdi. Ikkinchi bo‘limda Yahyo Al-G‘assoniyning yagona goli o‘yin taqdirini hal qildi.

Mazkur uchrashuvda Dostonbek Hamdamov asosiy tarkibda maydonga tushdi va 80-daqiqada almashtirildi. Aziz G‘aniev esa to‘liq harakat qildi.

G‘alabadan so‘ng «Shabab Al-Ahli» 19 ochko bilan 6-o‘ringa ko‘tarildi. «Al-Nassr» esa 3-pog‘onada qoldi.

BAA Pro-Ligasi, 13-tur

«Shabab Al-Ahli» — «Al-Nassr» 1:0

Gol: Yahyo Al-G‘assoniy 50