Dunyo polvonlari Komil Fatkullin sovrini uchun bellashmoqda

Poytaxtimizda yunon-rum kurashi bo‘yicha 2005-2006 yillarda tug‘ilgan o‘smirlar o‘rtasidaO‘zbekistonda xizmat ko‘rsatgan murabbiy Komil Fatkullin sovrini uchun an’anaviy xalqaro turnir boshlandi. 

O‘zbekiston Jismoniy tarbiya va sport vazirligi, Milliy olimpiya qo‘mitasi hamda mamlakatimiz sport kurashlari assotsiatsiyasi Toshkent shahar bo‘limi tomonidan tashkil etilayotgan mazkur musobaqada  O‘zbekiston, Qozog‘iston, Qirg‘iziston va Tojikistondan 400 dan ziyod sportchi 12 vazn toifasida g‘oliblik uchun o‘zaro bellashmoqda.

Eslatib o‘tamiz, mazkur musobaqaning ochilish marosimi bugun soat 14:00da Respublika olimpiya zaxiralari kollejida o‘tkaziladi.