Дзюдо бўйича мутлақ вазнда Япония чемпионати ўтказилди

Куни кеча дзюдочи бўйича мутлақ вазн тоифасида Япония чемпионати бўлиб ўтди. Жаҳонда етакчи саналувчи ушбу мамлакат вакилларининг ички чемпионати ҳам кўчпиликни қизиқтириши табиий. 

Кескин ва муросасиз кечган баҳслар якунида терма жамоанинг -100 килогармм вазн тоифасида курашадиган полвони Аарон Волф ғалаба қозонди. 2017 йилги жаҳон чемпиони финалда янги номлардан бири Хиротоши Катони мағлуб этди.

Юсеи Огава ҳамда Юта Ота бронза медаллари билан тақдирланишди. Эътиборлиси, +100 кг вазнда Рио Олимпиадаси финалчиси Хисаёши Харасава, Кокоро Кагеура, Такеши Ожитани каби номдор полвонлар шоҳсупага кўтарила олишмади.