Дзюдо. Европа Чемпионлар Лигаси якунланди

Кеча Сербия пойтахти Белград шаҳрида клублар ўртасидаги Европа Чемпионлар Лигаси турнири бўлиб ўтди.

Париж-2024 Олимпиадаси совриндори Алишер Юсупов Франциянинг ПСЖ клуби таркибида Чемпионлар Лигаси ғолибига айланди. Ўтган йили ҳам Париж клуби ушбу турнирда чемпион бўлганди. Музаффарбек Тўрабоев, Шаҳрам Аҳадов ва Шаҳзодхўжа Шарипов Қозоғистоннинг "Женис" клуби сафида Европа Чемпионлар Лигасининг бронза медалларини қўлга киритди.

Дзюдочиларимизнинг бари ўз ғалабалари билан клубларининг умумий муваффақиятига хисса қўшишди. Бу ҳақда Ўзбекистон дзюдо федерацияси хабар бермоқда.