Дзюдо. Ўзбекистон терма жамоаси жаҳон чемпионатининг ярим финалида Мўғулистонга қарши татамига чиқади

Болгария пойтахти София шаҳрида дзюдо бўйича кадетлар ўртасидаги дунё биринчилигининг аралаш жамоавий баҳслари давом этмоқда.

Ўзбекистон терма жамоаси аралаш жамоавий жаҳон чемпионатининг 1/2 финалига қадар Францияни 4:1, Қозоғистонни 4:3 ҳисобида енгди. Энди ҳамюртларимиз ярим финалда мўғулистонлик дзюдочиларга қарши татамига чиқади.  

81 кг: Иномжон Баҳодиров — Темуулен Баяржавҳлан 

+63 кг: Умида Ниғматова — Маралмаа Ҳурелчулуун 

+81 кг: Алибек Дурдиев — Амартувшин Намсрайжав

-48 кг: Динора Ҳасанова — Мишил Алтаншагай

-60 кг: Муҳаммадкарим Носиров — Тегш-Очир Нармандаҳ

-63 кг: Мафтуна Аҳмедова — Тсендбазар Машбат

Маълумот учун, Мўғулистон 1/8 финалда Хитой Тайпейини 4:2, 1/4 финалда анча кучли ҳисобланган IJF байроғи остида қатнашаётган россиялик дзюдочиларни 4:3 ҳисобида мағлуб этишди. Бу ҳақда Ўзбекистон дзюдо федерацияси матбуот хизмати хабар бермоқда.