Дзюдочиларимиз Чемпионлар Лигасига йўл олишди!

22 ноябрь куни Сербия пойтахти Белград шаҳрида клублар ўртасидаги "Champions League 2025" турнири бўлиб ўтади. 

Унда Қозоғистоннинг "Женис" клуби ҳам иштирок этади. Ушбу жамоа таркибида уч нафар дзюдочимиз - Шаҳзодхўжа Шарипов, Шаҳрам Аҳадов ва Париж-2024 Олимпиадаси совриндори Музаффарбек Тўрабоев ҳам бўлиб, улар бугун Сербияга жўнаб кетишди. 

Яна бир тажрибали дзюдочимиз Алишер Юсупов эса Франциянинг "Пари-Сен-Жермен" клуби сафида Чемпионлар Лигаси турнирида қатнашади. Париж-2024 Олимпиадаси совриндори айни пайтда жамоаси билан бирга айнан Франция пойтахтида бўлиб турибди.

Бу ҳақда Ўзбекистон дзюдо федерацияси матбуот хизмати хабар бермоқда.