Dzyudochilarimiz Evropa ochiq chempionatida ishtirok etishdi

Xabar berganimizdek, o‘tgan hafta yakunida Evropaning bir qato mamlakatlari dzyudo bo‘yicha xalqaro turnirlarga mezbonlik qildi. 

Erkaklar o‘rtasida qit’aviy ochiq chempionat Praga shahrida o‘tkazilib, unda hamyurtimiz Sharofiddin Boltaboev (-81 kg) bronza medalini qo‘lga kiritdi.

Vakilimiz yarim finalgacha bo‘lgan yo‘lni muvaffaqiyatli bosib o‘tdi. Biroq bu bosqichda mag‘lub bo‘lgach, bronza medali uchun kurashda ishtirok etib, musobaqani 3-o‘rin bilan yakunladi. 

Turkiyaning Antaliya shahrida o‘tgan o‘smirlar o‘rtasidagi musobaqada esa yigitlarimizdan Jayhunbek Nazarov (-66 kg) bronza, qizlarimzidan Nilufar Egamberdieva (-52 kg) kumush hamda Halimajon Qurbonova (-44 kg) bronza medaliga sazovor bo‘ldi.