Дзюдочиларимиз “Катта дубулға” турнирида 5 та медалга эга чиқди

Дзюдо бўйича Ўзбекистон терма жамоаси Лозанна “Катта дубулға” турнирини муваффақиятли якунлади. Оғир вазн тоифасида кечган беллашувларда ҳамюртларимиз 1 тадан олтин, кумуш ва бронза медалларига сазовор бўлишди. 

Қайд этиш жоиз, -90 кг вазн тоифасида икки нафар полвонимиз Умар Бозоров ҳамда Нурбек Муртазоев финалда ўзаро тўқнаш келишди. Беллашув Бозоровнинг ғалабаси билан якунланди.

Олтин медал:
-90 кг: Умар Бозоров

Кумуш медал: 
-90 кг: Нурбек Муртазоев

Бронза медал:
-100 кг: Эрназар Сарсенбаев

Шу тариқа, терма жамоамиз мазкур мусобақани 1 та олтин, 2 та кумуш ва 2 та бронза медаллари билан якунлади. Бу ҳақда МОҚ хабар бермоқда.