EChL. 1-tur uchrashuvlari o‘z nihoyasiga etdi!

Xabaringiz bor, Chempionlar ligasi yangi mavsumi start oldi. Chempionatning dastlabki turidan o‘rin olgan uchrashuvlarning barchasi o‘z nihoyasiga etdi. 

"A" guruhi

1-turda eng ko‘p gol urilgan o‘yinlar aynan ushbu guruhdagi jamoalar o‘rtasida bo‘lib o‘tgan bahslarda kiritildi. "Kopengagen" "Galatasaroy" mehmoni bo‘lib, durang o‘ynadi. Elyunussi va Gonsalveshlarning gollari evaziga 2 ta to‘p farqi bilan oldinga chiqib olgan mehmonlar 86 va 88-daqiqalarda darvozasidan to‘p olib chiqdi. Boe va Tete o‘yin qahramonlari. Ikkinchi to‘qnashuv grandlar o‘rtasida bo‘lib o‘tdi. "Bavariya" - "Manchester Yunayted" uchrashuvining birinchi taymida myunxenliklar 2:0 hisobida oldinda borayotgandi. Ikkinchi bo‘lim boshida Xoylundning oradagi farqni qisqartirishiga qaramay, Keyn penaltini aniq amalga oshirib, jamoadoshlarini tinchlantirdi. So‘nggi daqiqalarda esa Kazemiro dubl qilishga muvaffaq bo‘ldi. Orada Tel ham Oanani ranjitdi. Mazkur o‘yinlardan keyin guruhda "Bavariya" peshqadam, "Kopengagen" 2, "Galatasaroy" 3-o‘rinni eggaladi. "Manchester Yunayted" so‘nggi pog‘onaga joylashdi. 

"B" guruhi

So‘nggi bor 2016 yili Chempionlar ligasida o‘ynagan "Arsenal" turnirni yirik 4:0 hisobidagi g‘alaba bilan boshladi. Dastlab, Saka hisobni ochdi. Shundan so‘ng Trossard, Jezus va Edegorning ajoyib gollari jamoaga super g‘alabani taqdim etdi. "Sevilya" - "Lans" bahsida tomonlar durangga imzo chekdi. Okampos tezkor gol urib, hisobni ochdi. 24-daqiqada esa Fyuljeni standart vaziyatdan unumli foydalanib, imkoniyatlarni tenglashtirib qo‘ydi. Husanov mazkur bahsda zaxirada qoldi va uning ChLdagi debyuti cho‘zildi. Guruhda esa jamoalar quyidagicha joylashdi. 

"C" guruhi

Ikkala o‘yinda ham so‘nggi daqiqalargacha g‘olib nomi aniq emasdi. "Real" - "Union Berlin"ni o‘z maydonida qabul qilib, 1:0 hisobida zafar quchdi. Ha, yana Bellingem gol urib ketdi. Uchrashuv davomida hujumlarni to‘xtatmagan madridliklar oxiri nemislar darvozasiga yo‘l topdi. "Napoli" "Braga" stadioniga safar uyushtirib, uyiga ochkosiz qaytishi ham mumkin edi. Birinchi taym so‘nggida Di Lorentso hisobni ochdi. 84-daqiqada Bruma Meret darvozasini ishg‘ol qilishga muvaffaq bo‘ldi. Oradan ko‘p o‘tmay Niakate avtogol urib qo‘ydi va neapolliklar 3 ochkoni ilib ketdi. 

"D" guruhi 

"Real Sosedad" - "Inter" o‘yinida mehmonlarning omadi keldi, desa ham bo‘ladi. 4-daqiqadayoq oldinga chiqib olgan Ispan klubi uchrashuvda ustunlik qildi. Ammo 87-daqiqada Martines o‘yin davomida yuzaga kelgan ilk yaxshi vaziyatdan foydalandi va tomonlar 1 ochkodan bo‘lishib oldi. Guruhdagi ikkinchi o‘yin "Benfika" va "Zaltsburg" o‘rtasida bo‘lib o‘tdi va biroz kutilmagan holat yuz berdi. Mehmonlar 0:2 hisobida portugaliyaliklarni taslim qilib, 3 ochkoni qo‘lga kiritdi. Ushbu natijaga 13-daqiqaning o‘zidayoq Antonio Silva (himoyachi)ning qizil kartochka olib, "Benfika"ning bir kishi kam bo‘lib qolgani ham sabab bo‘lgandir.   

"E" guruhi

"Feyenoord" o‘z maydonida "Seltik"ni 2:0 hisobida taslim qildi. Stengs va Jahonbahshning gollari jamoaga 3 ochko taqdim etdi. Mehmonlar tarkibidan ikki futbolchi qizil kortochka olib, maydonni tark etdi. "Latsio" - "Atletiko" bahsida "matraschilar" so‘nggi soniyalarda g‘alabani qo‘ldan boy berdi. 90+5 daqiqada mezbonlar posboni Provedel boshi bilan Oblak darvozasini ishg‘ol qildi va jamoasini mag‘lubiyatdan qutqarib qoldi.

"F" guruhi

"O‘lim guruhi"da hech qanday sensatsiya kuzatilmadi. PSJ "Borussiya" qiyinchiliksiz taslim qildi. Mbappening penaltidan hisobni ochgani va Hakimining goli orqali parijliklar zafar quchdi. Mehmonlar uchrashuv davomida 1 dona aniq zarba berdi. "Milan" - "Nyukasl" bahsida esa inglizlarning posboni Poup jamoasiga 1 ochkoni olishga katta yordam berdi. Darvozabon 8 ta seyv amalga oshirib, o‘yinning eng yaxshi futbolchisiga aylandi. 

"G" guruhi

"Leyptsig" "Yang Boyts" maydoniga safar uyushtirib, ishonchli tarzda g‘alabaga erishdi. Simakan 3-daqiqada tezkor gol urishga muvaffaq bo‘ldi. Birinchi taymning o‘zida javob qaytargan mezbonlar ikkinchi bo‘limda ikki marta o‘z darvozasidan to‘p olib chiqdi. Nemis klubi shu tariqa, 3 ochkoni qo‘lga kiritdi. "Manchester Siti" "Srvena Zvezda"ni qabul qilib, 3:1 hisobida g‘alaba qozondi. Uchrashuv davomida "shaharliklar" 37 marta darvoza tomon zarba yo‘lladi. Ammo hisobni mehmonlar ochdi. Ikkinchi taymda Alvaresning dublidan so‘ng Rodri ham o‘z nomiga bitta gol yozdirib qo‘ydi. 

"H" guruhi

"Barselona" "Antverpen"ni ayab o‘tirgani yo‘q. Felishdan ikki gol va bir assist. Levandovski, Gavilar ham bir martadan belgiyaliklar darvozasini ishg‘ol qildi. Shuningdek, Yellening avtogoli bilan hisob 5:0 ko‘rinishga keldi. Shu tariqa, kataloniyaliklar guruhda 1-o‘ringa chiqib oldi. "Shaxtyor" - "Portu" o‘yinida Konseysao shogirdlari qiyinchiliksiz mezbonlarni taslim qildi. Uchrashuvning dastlabki yarim soatida barcha gollar urilgandi. Galeno dubl qilgan bo‘lsa, Taremi bitta gol urdi. 13-daqiqada Kelsi javob qaytardi.