ЕЧЛ. Бугун чорак финал учрашувларига старт берилади!

Футбол олами мухлислари катта қизиқиш билан томоша қиладиган Европа Чемпионлар Лигаси учрашувлари қайтмоқда! Бугун чорак финал босқичига старт берилади.

Кун тартибидан иккита супер ўйин ўрин олган. Улардан бири Мадридда бўлиб ўтади. "Альфредо Ди Стефано" стадионида "Реал" Англиянинг "Ливерпуль" клубини қабул қилади. Томонларнинг охирги 5 тўқнашувида кичик устунлик "қаймоқранглилар" томонда: 3:2.

Шунингдек, Манчестер шаҳри ҳам катта футбол оқшомига гувоҳ бўлади. Унда "Сити" Германиядан ташриф буюрган "Боруссия" Дортмундни синовдан ўтказади. Жамоаларнинг сўнгги 5 ўйинида "асаларилар" устунликка эга. Немис клубида 3 учрашувни ўз фойдасига ҳал этган ва бир бор имкониятни бой берган. Яна бир баҳсда "шаҳарликлар"нинг қўли баланд келган. 

Ҳар икки беллашув ҳам Тошкент вақти билан 00:00 да старт олади. Ушбу баҳслар олдидан барча янгиликларни сайтимиз орқали кузатиб боринг!