EChL. Bugun chorak final uchrashuvlariga start beriladi!

Futbol olami muxlislari katta qiziqish bilan tomosha qiladigan Evropa Chempionlar Ligasi uchrashuvlari qaytmoqda! Bugun chorak final bosqichiga start beriladi.

Kun tartibidan ikkita super o‘yin o‘rin olgan. Ulardan biri Madridda bo‘lib o‘tadi. "Alfredo Di Stefano" stadionida "Real" Angliyaning "Liverpul" klubini qabul qiladi. Tomonlarning oxirgi 5 to‘qnashuvida kichik ustunlik "qaymoqranglilar" tomonda: 3:2.

Shuningdek, Manchester shahri ham katta futbol oqshomiga guvoh bo‘ladi. Unda "Siti" Germaniyadan tashrif buyurgan "Borussiya" Dortmundni sinovdan o‘tkazadi. Jamoalarning so‘nggi 5 o‘yinida "asalarilar" ustunlikka ega. Nemis klubida 3 uchrashuvni o‘z foydasiga hal etgan va bir bor imkoniyatni boy bergan. Yana bir bahsda "shaharliklar"ning qo‘li baland kelgan. 

Har ikki bellashuv ham Toshkent vaqti bilan 00:00 da start oladi. Ushbu bahslar oldidan barcha yangiliklarni saytimiz orqali kuzatib boring!