ЕЧЛ. Ҳафтанинг энг яхши футболчиси бўлиши учун номзодлар эълон қилинди

УЕФА матбуот хизмати Чемпионлар лигасининг 4-тури якунига кўра ҳафтанинг энг яхши футболчиси совринига даъвогарларни эълон қилди.

Номзодлар рўйхатидан “Брюгге” ярим ҳимоячиси Карлуш Форбс, “Манчестер Сити” футболчиси Фил Фоден, “Галатасарой” ҳужумчиси Виктор Осимхен ва “Арсенал” ярим ҳимоячиси Микел Мерино ўрин олди.

Карлуш Форбс “Барселона”га (3:3) қарши баҳсда дубль қайд этиб, битта голли узатма берди. Фил Фоден “Боруссия Дортмунд” дарвозасига иккита гол урди (4:1). Микел Мерино ҳам “Славия” билан ўйинда (3:0) 2 голни ўз ҳисобига ёздириб қўйди. Виктор Осимхен эса “Аякс”га қарши учрашувда (3:0) хет-трик амалга оширди.

Маълумот учун, 4-турдан сўнг турнир жадвалида “Бавария”, “Арсенал” ва “Интер” 12 очкодан жамғарган ҳолда пешқадамлик қилмоқда.