ЕЧЛ. "Интер" - "Реал": Матнли трансляция

Ассалому алайкум, муҳтарам футбол ихлосмандлари! Чемпионлар Лигаси 4-туридан ўрин олган "Интер" - "Реал" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+2'

  Учрашув якунланди! Матели трансляция Жавоҳир Азимов томонидан олиб борилди.

• 90+1'

  "Интер"нинг сўнгги ҳужуми ҳам бесамар якунланди.

• 90'
  

  Ўйиннинг асосий вақтига 2 дақиқа қўшиб берилди.

• 88'

  Сўнгги дақиқаларни мадридликлар тўпни назорат қилиш билан ўтказмоқда.

• 86'
  

  Ромелу Лукаку учун ҳам бу ўйин якунланди. Унинг ўрнига Кристиан Эриксен ўйинга қўшилди.

• 85'
  

  Каземиро майдонда ётибди. Унга нисбатан Сенси қоида бузган эди.

• 82'

  Ўйин темпи анча пасайди. Футболчилар майдонда деярли югурмаяпти.

• 80'

  Конте шогирдлари рақиб жарима майдонида хавф туғдира олмаяпти. Сўнгги дақиқалар таассуроти айнан шундай.

• 77'
  

  Винисиус Жуниор ўйинга қўшилди. Унинг ўрнига Эден Азар майдондан олинди.

• 75'

  "Қаймоқранглилар" марказда тўпни назорат қиляпти. 

• 73'

  Алексис Санчес жарима майдони ташқарисидан зарба берди. Тўп Кроосга тегиб, ортга қайтди.

• 71'

  Перишич хавфли зарба йўллади. Бироқ тўп етарлича айланмади.

• 69'

  Жарима майдонига узатилган тўпга Васкес мослаша олмади. Унинг зарбаси кўнгилдагидек чиқмади.

• 68'

  Азарга нисбатан ишлатилган қўполлик учун "Реал" стандарт вазиятга эга бўлди.

• 66'

  Жарима майдонига яна бир узатма амалга оширилди. Бу сафар ҳам Куртуа тўпга эгалик қилди.

• 63'
  

  Алексис Санчес майдонга тушди. Унинг ўрнига Ашраф Ҳакими ўйинни тарк этди.

• 61'

  "Реал" футболчилари рақибни тўпсиз қолдиришга яхши уддаламоқда.

• 59'
  

  ГООООООООООЛЛЛЛЛЛЛ! "Реал" ҳисобни ишончли кўринишга келтирди.

  Васкеснинг узатмасини ҳозиргина ўйинга қўшилган Родриго дарвозага жойлаб қўйди.

• 59'
  

  Каземиро ва Родриго ўйинга қўшилди. Улар ўрнига Мариано Диас ва Эдегор захирага олинди.

• 57'

  Қарши ҳужумга ўтаётган Васкес қоида бузиш эвазига тўхтатилди.

• 55'

  Менди жамоасининг навбатдаги ҳужумини муваффақиятли давом эттира олмади.

• 52'

  Жарима майдони ичида футболчилар ўзаро курашга киришди. Васкес эса рақибини йиқитди. Ҳакам ҳозирча ўйинни давом этиришга рухсат берди.

• 51'

  "Интер"да яна бир яхши стандарт юзага келди.

• 48'

  Тўп назорати иккинчи 45 дақиқаликда ҳам меҳмонларда.

• 46'
  

  Марианонинг жарима майдони ташқарисидан йўллаган зарбасини Ҳанданович ушлаб олди.

• 46'
  

  Иккинчи тайм бошланди!

• 46'
  

  Бўлимлар оралиғида "Интер"да ўзгариш: Алессандро Бастони ва Лаутаро Мартинес ўрнига Данило Дамброзио ва Иван Перишич майдонга тушди.

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+1'

  Модричнинг жарима майдони ташқарисидан берган зарбасига аниқлик етишмади.

• 45'
  

  Биринчи бўлимга 2 дақиқа қўшиб берилди.

• 43'

  Зидан шогирдлари тайм сўнгини тўп назорати билан ўтказмоқда.

• 41'

  2 даиқадан бери мадридликлар тўпни рақибга бермаяпти.

• 39'

  Жарима майдонига узатилаётган тўпларни кетма-кет "Реал" футболчилари узоқлаштиряпти.

• 36'

  Конте шогирдлари яна ва яна олдинга ўтмоқда. Ё ҳозир, ё ҳеч қачон!

• 33'
  

  Ҳакамга жиддий эътироз билдирган Артуро Видаль иккинчи сариқ карточка билан огоҳлантирилиб, майдондан четлатилди.

• 31'

  Тони Кроос узоқ масофадан ноаниқ зарба берди.

• 29'
  

  Азарнинг зарбаси Ҳандановичнинг қўлига бориб тушди.

• 28'

  "Реал" футболчилари рақибга қарши ҳужумга ўтиш имкониятини бермаяпти.

• 26'

  Стандартдан зарба берган Лукаку мўлжалда адашди.

• 24'

  Жарима майдони чизиғида Видаль йиқитилди. "Интер"да жуда қулай вазият юзага келди.

• 21'

  "Неррадзуррилар" тўп назоратини қўлга олмоқда.

• 19'
  

  Қарши ҳужумга ўтаётган Модрични қоида бузиш эвазига тўхтатган Гальярдини огоҳлантирилди.

• 16'

  Карвахаль жарима майдонига узатган тўпга шериклари ета олмади.

• 14'
  

  Бу сафар Мариано боши билан зарба берди. Дарвозабон ўз ўрнида.

• 13'

  Меҳмонлар футболчисининг узоқ масофадан берган зарбаси устунга тегди.

• 12'

  Барелла жарима майдонига тўп оширди. Куртуа тўпни ушлаб олди.

• 11'

  Азар бир дақиқа ичида 2 бор тўпни олдирди.

• 9'

  Ҳисобда ортда қолаётган миланликлар олдинга ўтяпти.

• 7'
  

  ГООООООООООЛЛЛЛЛЛЛ!

  Нуқта қаршисига келган Эден Азар ўзидан ўнг бурчакка зарба берди. Ҳанданович тўпни қайтара олмади.

• 5'
  

  Эдегорнинг жарима майдонига узатган тўпни қабул қилган Начо зарбага ҳозирланди. Бироқ ортдан келган Барелла унга ҳалал берди. Бу - пенальти!

• 5'

  "Қаймоқранглилар" марказда тўпни назорат қилмоқда.

• 3'
  

  Жарима майдонига узатилган тўпни мадридликлар қайтарди.

• 2'

  Дастлабки дақиқалардан олдинга ўтган мезбонлар бурчак тўпи ишлаб олди.

• 1'
  

  Учрашув бошланди!

• 0'

  Учрашув футбол афсонаси Диего Армандо Марадона хотирасига 1 дақиқалик сукут билан бошланади.

• 0'

  Сардорлар иштирокидаги расмий жараёнлар ортда қолди. Старт учун барчаси тайёр!

• 0'

  Футболчилар майдонга тушиб келди. Чемпионлар Лигасининг ёқимли мадҳияси янгради!