ЕЧЛ. "Краснодар" - "Челси": Матнли трансляция

Ассалому алайкум муҳтарам футбол ихлосмандлари. Чемпионлар Лигаси 2-туридан ўрин олган "Краснодар" - "Челси" учрашуви матнли тарзда эхтиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+3'

  Узоқ масофадан мезбонлар футболчиси ноаниқ зарба йўллади.

• 90'
  

  Асосий вақтга 4 дақиқа қўшиб берилди.

• 90'
  

  ГООООООООООЛЛЛЛЛЛЛ! Пулишич ҳисобни янада йириклаштирди!

  Пулишичнинг яқин бурчакдан йўллаган кучли зарбасини дарвозабон қайтара олмади.

• 87'
  

  Маркус Берг захирага олинди. Унинг ўрнига Леон Сабуа майдонга тушди.

• 84'

  Ғалабани деярли кафолатлаган меҳмонлар тўп назоратини рақибга топширди.

• 81'
  

  Ҳаким Зиеш ҳамда Бенн Чилуэлл ўрнига Тэмми Абрахам ва Эмерсон майдонга тушди.

• 79'
  

  ГООООООООООЛЛЛЛЛЛЛ! Зиеш ҳисобни йирик кўринишга келтирди!

  Вернер тўпни шеригига қолдирди. Уни эгаллаб олган Зиеш икки рақиби орасидан узоқ бурчакка аниқ зарба берди.

• 78'

  Пулишич ўйинга жуда тез киришиб кетди. Бу сафар жарима майдони ичида унинг зарбасига аниқлик етишмади.

• 76'
  

  ГООООООООООЛЛЛЛЛЛЛ! Вернер ҳисобдаги фарқни оширди!

  Пенальтини совуққонлик билан ижро этган Тимо дарвозабонга ҳеч қандай имконият қолдирмади.

• 75'
  

  Мартиновичга сариқ карточка кўрсатилди.

• 75'
  

  Пулишичнинг зарбасидан сўнг, тўп Мартиновичнинг қўлига тегди. Ҳакам яна нуқтага ишора қилди.

• 72'
  

  Жоржиньо, Матео Ковачич, ва Каллум Хадсон-Одои майдонни тарк этди. Улар ўрнига Кристиан Пулишич, НГоло Канте, ҳамда Мэйсон Маунт ўйинга қўшилди.

• 70'

  Аспиликуэтанинг зарбаси Сафоновга муаммо туғдира олмади.

• 67'
  

  Дарҳол қарши ҳужумга ўтган мезбонлар ҳам вазият ярата олди. Ўткир бурчакдан берилган зарбани Менди қайтарди.

• 66'
  

  Зиешнинг яқин масофадан берган зарбасини дарвозабон ушлаб олди.

• 65'

  Уткин жарима тўпидан зарба йўллади. Тўп жонли девордан ўтмади.

• 64'

  Жарима майдони яқинида Ковачич Уткинни йиқитди. "Краснодар"да қулай имконият юзага келди.

• 62'

  Черновнинг тепган тўпи тўсин юқорисидан ўтиб кетди.

• 60'

  Ўйин темпи ошди. Бироқ қўполликлар сони ҳам анча кўпайди.

• 59'
  

  Вернер билан тўқнашиб кетган Смольников жароҳат олиб, майдонда ётибди. Унга тиббий ёрдам керак.

• 57'
  

  Жарима майдонидаги палапартишликда бир неча футболчи тўқнашиб кетди. Зума жиддий жароҳат олган кўринади. Унга тиббий ёрдам кўрсатилди.

• 55'
  

  Бурчакдан оширилган тўпга Газинский зарба берди. Тўп тўсиндан қайтди.

• 54'

  Смольниковнинг зарбаси хавфли тус олди. Бироқ тўп йўлига Зума тўғаноқ бўлди.

• 52'

  Вильена офсайдда қолиб кетди. Навбатдаги ҳужум оддий хатони деб якунланди.

• 50'

  Хадсон-Одои тўпни олдирди. Камига, рақибини чалиб йиқитди.

• 49'

  Ковачичнинг узоқ масофадан йўллаган зарбасига аниқлик етишмади.

• 47'

  Таймни мезбонлар ҳужум билан бошлади. Жарима мйдонига узатилган тўпни Аспиликуэта майдон ташқарисига чиқариб юборди.

• 46'
  

  Иккинчи бўлим бошланди!

• 46'

  Футболчилар майдонга қайтмоқда. Биз ҳам қайтамиз!

• 45+1'
  

  Танаффус!

• 45+1'

  Зиешнинг жарима майдони ичига узатган тўпини Хаверц дарвозага йўллади. Зарба бироқ ноаниқ кетди.

• 45'
  

  Биринчи бўлимга 1 дақиқа қўшиб берилди.

• 43'
  

  Хаверц иккинчи қаватдан келаётган тўпни дарвозага йўллади. Ҳакам офсайд бўлганлигини маълум қилди.

• 41'

  Ўзаро тушунмовчилик "Краснодар"нинг навбатдаги ҳужуми эрта якунланишига сабаб бўлди.

• 39'

  Ҳисобда орқада қолишни бошлаган мезбонлар олдинга ўтмоқда.

• 37'
  

  ГООООООООООЛЛЛЛЛЛЛ! Хадсон-Одои ҳисобни очди!

  Жарима майдони ичида тўпни қабул қилган футболчи дарвозага зарба йўллади. Дарвозабон хато қилди ва тўпни ўтказиб юборди.

• 36'

  "Краснодар"нинг қарши ҳужуми ноаниқ узатма туфайли узилиб қолди.

• 34'

  Майдон эгалари ҳам фаолликни оширмоқда. Улар кучли рақиб билан тенгма-тенг ўйнашга ҳаракат қиляпти.

• 32'

  Лэмпард шогирдлари эрта прессинг уюштирмоқда.

• 30'

  "Аристократлар" рақибни техник ҳаракатлари билан доғда қолдирмоқда. Мезбонлар кичик фоллар ишлатишга мажбур бўляпти.

• 27'
  

  Хаверц билан тўқнашиб кетган Уткинга тиббий ёрдам кўрсатилди.

• 26'

  Хаверц жарима майдонига узатма амалга оширди. Кайо яхши ҳаракат қилиб, хавфни бартараф этди.

• 24'

  Тўп учун кескин кураш кечмоқда. Ўйин темпи юқори даражада.

• 21'
  

  Олссонга сариқ карточка кўрсатилди.

• 19'

  Вильенанинг зарбасидан сўнг тўп рекашет натижасида жуда хавфли йўналиш олди. Бироқ тўп дарвозага кирмади.

• 16'

  Меҳмонлар тўп назоратини амалга оширишга ҳаракат қилмоқда.

• 14'

  Жоржиньо пенальтини ноаниқ амалга оширди. Тўп аввал устунга, кейин дарвозабоннинг белига тегди.

• 13'
  

  Кайо жарима майдони ичида Вернернинг оёғини илиб олди. Ҳакам нуқтага ишора қилди.

• 10'
  

  Зиеш воқеалар ривожидан бироз илгарилаб кетди.

• 7'

  Меҳмонлар ўйин тихгинини қўлга олишга ҳаракат қилмоқда.

• 4'
  

  Жарима майдони ташқарисидан Уткин аниқ зарба йўллади. Менди тўпни қайтарди.

• 1'
  

  Учрашув бошланди!

• 0'

  Футболчилар майдонга тушиб келди. Чемпионлар Лигаси мадҳияси янгради. Старт учун барчаси тайёр!