ЕЧЛ. "Лейпциг" ва "Зальцбург" ўз майдонида муҳим ғалабани қўлга киритди

Европа Чемпионлар лигаси 3-тури доирасидаги иккита беллашув якунига етди. "Е" гуруҳи доирасидаги ўйинда "Зальцбург" ўз майдонида Загребнинг "Динамо" клубини қабул қилиб, минимал ҳисобда ғалаба қозонди - 1:0. Ўйиндаги ягона гол Ноа Окафор номига ёзилди. У иккинчи таймнинг 71-дақиқасида жамоасига ғалаба  келтирувчи тўпни киритди.

"F" гуруҳи доирасидаги "Лейпциг" - "Селтик" баҳсида эса мухлислар 3 та гол гувоҳи бўлишди. Беллашув 3:1 ҳисобида немис клуби фойдасига ҳал бўлди. "Буқалар"нинг голларига Кристофер Нкунку ва Андре Силва (дубль) муаллифлик қилган бўлса, меҳмонларнинг ягона голи Жота номига ёзилди.