ЕЧЛ. "Сити" Мадрид клубидан устун келди. Ярим финалда уларни бошқа Мадрид клуби кутмоқда

Европа чемпионлар лигаси чорак финалидан ўрин олган "Атлетико" - "Манчестер Сити" учрашуви якунига етди. Мазкур баҳсда жамоалар 0:0 ҳисобида нурсиз дурангга имзо чекди.

Икки ўйин натижасига кўра 1:0 ҳисобида ғалаба қозонган "шаҳарликлар" ярим финал йўлланмасини қўлга киритди. "Атлетико" чорак финалда ўз юришини тўхтадиган бўлди.

Ярим финалда Гвардиола шогирдлари "Реал" Мадридга қарши саф тортади.

• 90+10'

  Учрашув якунига етди. Ўйинда ҳисоб очилмади. "Сити" умумий 1:0 ҳисобидаги устунлик эвазига ярим финалга йўл олди.

• 90+6'

  Каррасконинг жаримадан йўллаган ажойиб зарбасини Эдерсон бартараф этди.

• 90'

  Учрашувга 9 дақиқа вақт қўшиб берилди.

• 90+1'
  

  Хакам "Атлетико" футболчиси Фелипега ортиқча қўпол ҳаракати учун қизил карточка кўрсатди.

• 89'

  Майдонда футболчилар бир-бири билан тортишиб кетди. 

• 87'

  "Атлетико" рақиб жарима майдони олдида хавфли вазиятлар яратмоқда. Бироқ мадридликлар ҳамон гол ура олганича йўқ.

• 83'

  Суарес қулай вазиятда тўпни ўзидан узоқлаштириб юборди ва ҳужумнинг якунланишига сабаб бўлди.

• 80'
  

  Маркос Льорентега сариқ карточка кўрсатилди.

• 79'

  Корреанинг зарбасига аниқлик етишмади.

• 77'
  

  "Атлетико" ўйинчилари бурчак зарбасини амалга оширади.

• 73'
  

  Кайл Уокер ўрнига Натан Аке баҳсга қўшилди.

• 69'
  

  "Атлетико" таркибида бир йўла 3 ўзгариш амалга оширилди. Гризманн, Коке ва Лоди ўрнига энди Карраско, Де Пауль ва Корреа учрашувни давом эттиради. 

• 65'
  

  "Манчестер Сити" таркибида ўзгариш. Кевин Де Брюйне ўрнига Рахим Стерлинг майдонга тушди.

   

• 64'

  Икки жамоа мураббийлари ҳам ўйин давомида эмоцияларини яшириб тура олмаяти. 

• 61'

  Гвардиола шогирдлари майда паслар билан янги ҳужум ташкиллаштиришга уринмоқда. 

• 59'

  "Матрасчилар" аста-секин ҳужумлар сонини кўпайтириб боромоқда. 

• 57'

  "Сити" рақиб майдонида кучли прессинг уюштирмоқда.

• 53'

  Рейнилдонинг узатмасига Жоау Фелиш улгурмади. Ушбу вазиятда офсайд борлиги ҳам қайд этилди.

• 50'

  Майдон марказида Жоффре Кондогбиага нисбатан қўполлик ишлатилди.

• 47'

  Мезбонлар иккинчи бўлимни шиддатли ҳужумлар билан бошлади.

• 46'
  

  Иккинчи таймга старт берилди.

• 45+3'

  Биринчи тайм ниҳоясига етди. Ҳозирча учрашувда ҳисоб очилмади - 0:0.

• 45'

  Биринчи бўлимга тўхталишлар ўрнини қоплаш учун 3 дақиқа вақт қўшиб берилди.

• 43'
  

  Меҳмонлар яна бир маротаба бурчак зарбасига эга бўлди.

• 41'

  Махрезнинг қанотдан амалга оширган рейдидан сўнг йўллаган зарбаси "Атлетико" ҳимоячиларига тегиб, йўналишини ўзгартирди.

• 38'

  Симеоне шогирдлари рақиб майдонида прессинг уюштирмоқда.

• 35'

  Мезбонларнинг ҳужумлари узатмалардаги хатолар сабаб охиригача етмай қоляпти. 

• 31'

  "Атлетико" худди биринчи ўйин каби "қамал" остида қоляпти.

• 28'

  "Шаҳарликлар" рақиб дарвозасига бир неча марта зарба йўллади. Бироқ тўп йўлига мезбонлар ҳимоячилари тўғаноқ бўлди.

• 23'

  Икки жамоада ҳам майда хатолар кузатилмоқда.

• 20'

  Учрашувда темп ошиб бормоқда. Жамоалар кетма-кет ҳужумлар ташкил қиляпти. Бироқ якуний зарба берадиган футболчи икки жамоада ҳам топилмаяпти. 

• 18'

  "Манчестер Сити" тўп назоратига эгалик қилмоқда. 

• 15'

  Ҳаммаси жойида. Филь учрашувни давом эттиради.

• 14'

  Фоден ўз ўрнини Жек Грилишга бўшатиб бериши мумкин. Унинг жароҳати жиддий бўлиши мумкин.

• 12'

  Филь Фоденга тиббий ёрдам кўрсатилмоқда.

• 9'
  

  Бурчак зарбаси меҳмонлар фойдасига.

• 4'

  Жамоалар ҳозирча тўп назоратига эътибор қаратмоқда.

• 1'
  

   

  Учрашувга старт берилди.

• *'

   

  ЕЧЛ чорак финал жавоб учрашувидан ўрин олган "Атлетико" - "Манчестер Сити" ўйинидан матнли трансляцияни сайтимиз орқали томоша қилиб боришингиз мумкин.