ЕЧЛнинг энг яхши футболчиси эълон қилинди

Винисиус Жуниор УЕФА Чемпионлар лигасининг 2023/24 йилги мавсумдаги энг яхши футболчиси, деб топилди. 

УЕФА техник кузатувчилари гуруҳи "Реал" қанот ҳужумчисини мавсумнинг энг яхши футболчиси, дея эътироф этди. У ўтган мавсум Чемпионлар лигасининг 10 учрашувида майдонга тушиб, 6 та гол ҳамда 5 та голли узатма муаллифига айланган. 

"Винисиус Жуниор "Реал" сафида мавсум давомида бир қатор шов-шувли ўйинлар ўтказди ва жами 6 та гол урди. Шу жумладан, "Боруссия Дортмунд"га қарши финалда ҳал қилувчи голни киритди", - дейилади УЕФА расмий сайти шарҳида. 

Бундан ташқари, Жуд Беллингем Чемпионлар лигасининг энг яхши ёш футболчиси сифатида тан олинди.