Эдди Хирн амалдаги UFC чемпионини промоушендан олиб кетмоқчи

Таниқли бокс промоутери Эдди Хирн UFC президенти Дана Уайтдан амалдаги чемпион Том Аспиналл билан тузилган шартномани бекор қилишни сўрамоқда.

"Том ва UFC ўртасида тузилган шартнома бекор қилинишини истардим. Агар шундан қилинса, Данага ёзма равишда кафолат бераман: мен Аспиналлга ҳозир тўланаётган пулдан камида уч баравар кўп ҳақ тўлайман.

Аслида, UFC раҳбари мазкур таклифдан хурсанд бўлиши керак. Чунки англиялик мен кўрган энг ёмон ва энг паст маошли шартномага имзо чеккан. Бу мутлақо адолатсизлик. Нимадир ўзгартириш зарур", – деди  Хирн.

Маълумот учун, Том Аспиналл 2025 йил 5 октябрда Сирил Ганга қарши жангда кўзидан жароҳат олганидан буён октагонга қайтмади.