Эден Азар: "Бельгия "ЖЧ-2026"да сюрприз яратишига умид қиламан"

Эден Азар Бельгия терма жамоаси Жаҳон чемпионати-2026да кутилмаган натижа кўрсатишига умид билдирди.

Бельгияликлар гуруҳ босқичида Миср терма жамоаси, Эрон терма жамоаси ва Янги Зеландия терма жамоаси билан куч синашади.

"Менимча, Жаҳон чемпионатини Испания ёки Франция, ёхуд Англия ютади. Лекин Бельгиянинг сюрприз қилишига умид қиламан.

Эҳтимол, Португалия ҳам ғолиб бўлиши мумкин, чунки уни менинг яхши дўстим Роберто Мартинес бошқармоқда", — деди Бельгия терма жамоасининг собиқ футболчиси.