Эден Азарнинг "Челси" мухлисларига хайрлашув мурожаати

 “Челси”даги дўстларим ва оиламга,

Биласиз, мен “Реал Мадрид” жамоаси таркибига бориб қўшиламан. Сир эмаски, бу болалигимда илк голимни ура бошлаган даврларимдан буён бу менинг орзуим эди. Айниқса, турли хаёллар ва ОАВ эътиборида ўтган сўнгги 6 ой ичида мен ўз йўлимдан чалғимай жамоа учун боримни беришга интилдим.  

Энди жамоалар ўзаро келишувга эришишди. Умид қиламанки, сизлар ҳаётимда янги саҳифага қўл урганимни тўғри тушунасиз. Барчангиз ва ҳар бирингиз орзуларингиз рўёбида шундай қарорга келасиз. “Челси”ни тарк этиш ҳаётимдаги энг муҳим ва энг оғир қарор бўлди. Ҳозир мен учун доим тушунарли бўлган бир нарсани очиқ тан оламан, мен “Челси”да ўтган ҳар лаҳзамдан завқ олардим. Ҳеч қачон жамоани тарк этиш тўғрисида ҳатто ўйлаб ҳам кўрмаганман.

Мен клубга келганимда 21 ёшда эдим. Шу ўтган вақт ичида сизлар билан ҳам инсон ҳам ўйинчи сифатида ўсдим. Сизлар менга Бельгия терма жамоаси сардори бўлишимга кўмаклашдингиз. Албатта жамоа учун ҳам, мен учун ҳам қийин пайтлар бўлди, бу — проффессионал футбол. Аммо футбол мен учун оёғимга коптокнинг тегиб туриши, ўйинларда майдонга тушиш ва ҳар лаҳзадан роҳатланишдир. Биз чиройли ўйин билан муваффақият қозонамиз ва бу доимо мендан маслаҳат сўраганларга айтар гапим бўлиб келган. Футбол ўйна ва ундан завқлан!

Биз у қадар яхши ўйин намойиш этмаган вақтларимизда ҳам мен майдонда боримни беришга интилганман ва бунда сизларнинг қўллаб-қувватлашингизнинг ўрин беқиёс. Бу жанговар руҳ, иштиёқ ва енгилмаслик “Челси”нинг алоҳида хусусиятларидан бири ва бу ҳам сизлар орқали амалга ошади.

Мен “Челси” либосида ўтказган ажойиб дамларни ёдга олганимда олганимда, мағлубиятларимиздан кўра, ғалабаларимиз кўпроқ ёдга келаверади. Мени яқиндан билганлар тушунадики, мен бу ерда эришганларимни санамоқчи эмасман. Шунчаки, ҳаммаси айтмоқчи бўлганим, ҳам жамоавий, ҳам шахсий совринларимнинг барчаси ажойиб эди. Бир куни пиво қаршисида ўтириб, ортга назар ташлаганимда ғурур билан жилмайиб, “Кристал Пэлас”га қарши ўйиндаги муваффақиятсиз пенальти ва бизни чемпионликка бош билан урган голларим ёки “Тоттенҳем”, “Арсенал” ва “Ливерпуль”га қарши баҳслардаги муваффақиятли зарбаларим ҳақида гаплаша оламан.  

Бу хотиралар сизлар майдонда яратган атмосфера туфайли шу қадар ёрқин. Умид қиламанки, сизлар ҳам мен каби ўша дамларни шундай ғурур билан ёдга оласиз. АҚШдаги тур бўладими ёки “Сандерленд”даги пайшанба кечасими, сешанба куни Россиядаги ёки, албатта “Бриж”даги ҳар ўйинда доим мени қўллаб-қувватлаб турдингиз ва футбол ўйнашим учун ва ўзимга ўхшашим учун илҳомлартирдингиз. Мен ўз-ўзимдан завқланганим каби умид қиламанки, сизлар ҳам завққа тўлдингиз. Мен фақат ўз ғуруримдан совринни ҳимоя қилмай туриб жамоани тарк этаётганимдан афсусдаман!

Бизда ажойиб футболчилар бор ва мен энг масрур дамларимни жамоанинг бир қисми сифатида ўтказдим. Биз бир оила бўлиб Англия кубоги, Лига кубоги, Европа лигаси ва АПЛда ғолибликни қўлга киритдик. Уларнинг ҳар бири ўз йўлида ва албатта бир неча ҳафта муқаддам Бокуда ўтган ўйин Жаҳон чемпионатида кейин ўтган оғир мавсум учун муваффақиятли якун бўлди.

“Челси”, хусусан, жамоа мухлислари доимо мен учун беназир бўлиб қолади ва кейинги мавсумда ажойиб натижалар қайд этишингизга умид қиламан.  

Жамоани тарк этишимдан аввал яна бир бор ўтган ҳар лаҳзада бизни қўллаб-қувватлаганингиз учун ўз миннатдорчилигимни изҳор қиламан. Барча собиқ жамоадошларимга “хайр” деб қоламиз ва шу лаҳзада жамоа хўжайини жаноб Абрамовичга ҳам ўз миннатдорчилигимни билдираман. Унинг жамоаси менга бир эмас икки орзуимни амалга оширишда кўмакдош бўлди: биринчиси “Челси” футболчисига айланиш бўлса, иккинчи “Реал” вакили бўлиш.

Барчангизга энг яхши тилакларимни билдириб қоламан, дўстларим.

Эден.

Инглиз тилидан Баҳодир ҲАСАНОВ таржимаси