Эдвин ван дер Сар МЮга келмайди

"Манчестер Юнайтед" спорт ишлари директорлиги учун номзодлар излашда давом этмоқда.

Олдинроқ, "қизил иблислар" "Аякс" директори Эдвин ван дер Сарни ушбу лавозимга таклиф қилиши мумкинлиги хабар қилинган эди. The Athletic нашри хабарига кўра, Нидерландия терма жамоаси собиқ дарвозабони манкунианликларга амстердамликлар клубида қолиш ниятини маълум қилган.

Манбага кўра, энди МЮ шорт-листида клуб собиқ футболчилари Рио Фердинанд, Даррен Флетчер ва Патрис Эвралар қолишди.