Эҳсони Паншанбе: Рақибни менсимаслик яхшиликка олиб келмайди

Суперлига 6-туридан ўрин олган “Навбаҳор” – “Турон” жамоалари ўртасидаги учрашув арафасида “лочинлар”нинг тожикистонлик маҳоратли ярим ҳимоячиси Эҳсони Паншанбе клуб матбуот хизматига бўлажак ўйин ҳақидаги фикрлари билан ўртоқлашди:

Бўлажак рақибимиз “Турон” Суперлиганинг янги иштирокчиси ва турнир жадвали аутсайдери бўлса-да, ҳар бир рақибга ҳурмат билан қараш лозим.

Боиси, рақибни менсимаслик яхшиликка олиб келмайди. Сўнгги ўйинларда ижобий натижага эриша олмадик. Шу боис, бўлажак баҳсда ғалаба қозониш учун барча имкониятимизни ишга соламиз. 

Мазкур ўйин мухлисларсиз ўтказилиши боис, жамоамизга ойнаи жаҳон орқали мухлислик қиладиган барча ишқибозларнинг ғойибона қўллаб-қувватлашлари ва мададларини ҳис этган ҳолда, тўп суриб, уларга қувонч улашишга ҳаракат қиламиз.

Учрашув кескин курашлар остида, қизиқарли кечади, деган умиддаман. Таъкидлаганимдек, майдонга ғалаба иштиёқида тушиб, мухлисларга қувонч улашамиз, деган умиддаман.

Фикрлар

Фикр қолдириш учун авторизациядан ўтинг!
&
Арсен
16/04/2021 13:14
Омад Новбахорга...