Ekitike: "Slot nafaqat zo‘r murabbiy, balki yaxshi inson ham"

"Liverpul" safida faoliyatini boshlagan Yugo Ekitike jamoaning bosh murabbiyi Arne Slot haqida ilk taassurotlari bilan o‘rtoqlashdi.

"Biz u bilan ilk suhbatimizdayoq juda yaxshi til topishdik. Slot juda insonparvar shaxs, shu bois faqat futbol emas, balki turli mavzularda ham erkin gaplasha oldik. U menga juda qiziq tuyuldi. U bilan uchrashganimdan juda xursand bo‘ldim, chunki uni yaxshi inson deb bilaman. Uning qo‘l ostida rivojlanishimga ishonaman. Slot mening bu erga kelishimga jiddiy ta’sir ko‘rsatdi" – dedi Ekitike klub matbuot xizmatiga.

Ma’lumot uchun, mersesaydliklar APLning o‘tgan mavsum chempioni sanaladi. Shuningdek, Slot shogirdlari 10 avgust kuni Superkubok bahsida "Kristal Pelas"ga qarshi maydonga chiqadi.