Эксперт: Юлдуз ҳужумчи олса, “Арсенал”ни енгиб бўлмайди
Лондонликларга айнан шу футболчи мос
«Ливерпуль»нинг собиқ ҳимоячиси Жейми Каррагер «Арсенал» ҳужум чизиғида юқори даражадаги юлдуз футболчи етишмаётганини таъкидлади.
Ёзги трансферлар ойнасида «Арсенал» ҳужум чизиғидаги уч футболчи билан хайрлашди. Бироқ уларнинг ўрнига фақат Христос Цолисни жалб қилди ва жаҳон миқёсидаги юлдуз футболчини сотиб ололмади.
Шу билан бирга, Каррагер Микель Артета жамоасида бундай мақомдаги футболчининг йўқлиги айрим ижобий жиҳатларга ҳам эга эканини тан олди.
«Аввал ҳам айтганман: “Арсенал” биз кўрган энг ёрқин чемпионлардан бири эмас. Жамоага ҳужумда ҳали ҳам жозиба етишмаяпти. Улар ёзда жалб қилмоқчи бўлган суперюлдузни сотиб ола олишмади. Винисиус ва Хулиан Альварес ҳақида гап-сўзлар бўлди, аммо бу трансферлар амалга ошмади.
Ҳужумда юлдуз футболчининг кучли таъсири етишмаяпти. Бироқ менга эътироз билдириб, Микель Артета ҳужумчиларини назорат қилади, улар тўпсиз жуда кўп меҳнат қилгани учун ҳужумда ўз имкониятларини тўлиқ намойиш эта олмаяпти, дейишлари мумкин.
Жамоа яна бир бор гол ўтказмасдан ўйинни якунлади ва ҳимояда жуда кучли. Шунинг учун бу масала юзасидан баҳслашиш мумкин», — деди Каррагер Sky Sports нашрига.
Изоҳлар (0)